الصفحة الرئيسية » المطبخ » كبسة : رز مُلوّن =)

كبسة : رز مُلوّن =)

يسعد مساكم ^_^

وصفة اليوم اسمها ( الرز الملوّن ) .. لذيذة و مُفضلة عند أغلب اللي يذوقوها ..

صحيح مكوناتها كتيرة لكن النتيجة تنسّي تعب الوقفة و الطبخ …إلخ =)

راح تحتاجي /

* دجاجة مُقطعة

* مكعبين ماجي .

* راس ثوم كامل مطحون .

* ملعقة طعام و نص صلصة الطماطم (معجون الطماطم) .

* 3 حبات بصل مفروم  (وسط) .

* 8 ملاعق طعام ماء + نص ملعقة صغيرة صبغة الزعفران .

* 3 حبات طماطم (الحجم الوسط) مطحونة .

* 5 ملاعق طعام زيت نباتي .

* البهارات /

- ملعقة صغيرة من :

الكزبرة ، الكمّون ، الملح ، الخولنجان .

\|/

- نص ملعقة صغيرة من :

الفلفل الأسود ، الزنجبيل المطحون (الناشف) .

- 8 حبات هيل .

- عود قرفة .

- 4 ورقات غار (للنكهة)

- 4 حبات قرنفل (مسمار) .

 

——————————————————————————————————–

- على النار .. نحط البصل و الزيت في قدر متوسط .. و نقلّبه لحد ما يدبل ..

- نضيف الثوم و نقلّب لحد ما يتحمّر ..

- نضيف قطع الدجاج و نقلّب ..

- نضيف الطماطم و معجون الطماطم و نقلب ..

- نحط البهارات كلها دفعة وحدة و الماجي و نقلّب ..

- نضيف 4 أكواب ماء مغلي .

- نغطيه و نتركه نص ساعة ..

* نرفع قطع الدجاج من المرقة  .. و نحطها في صينية تيفال (نخلّي قدر المرقة على جنب) ..

* بالملعقة .. نغطي قطع الدجاج بثلاث أرباع كمية خليط الزعفران و المويا ..

* ندخل صينية الدجاج للفرن لحد ما تتحمّر .

———————————————————————————————-

للرز /

* كوبين و نص رز الشعلان .

- بعد ما نغسل الرز .. نضيف كوبين فقط للمرقة اللي خليناها على جنب ..

- و نطبخ الرز لحد ما تنشف المويا ..

- نقسم نص الكوب من الرز الباقي من المقدار لِـ قدرين ..

الأول : نحط ربع الكوب .. و نطبخه كَـ رز أبيض عادي ..

الثاني : نحط الربع التاني .. و نطبخه زي الأول بس الاختلاف إننا نضيف بقية خليط الزعفران عشان يطلع معانا رز أصفر فاتح .

—————————————————————————–

للتزيين /

* مقدار من اللوز البجلي .

- نسلقه .

- نقشره و نقطعه لِـ شرايح طويلة .

- نقليه .

—————————————————————————————–

يُقدم بجانب الطبق ..

* سلطة اللبن بالخيار /

- علبتين لبن زبادي .

- 4 حبات خيار مبشور .

- ملح حسب الرغبة .

- رشة فلفل أسود .

- رشة نعناع (ناشف) .

ـــــــ تُقلّب المكونات جميعها مع بعضها .

 

————————————————————————————–

النتيجة /

- بالعافية =)

2 تعليقين على: كبسة : رز مُلوّن =)

  1. الكاتب

    You ought to be a part of a contest for one of the finest sites on the net. I most certainly will recommend this blog!

  2. الكاتب

    It’s very straightforward to find out any topic on web as compared to books,
    as I found this paragraph at this web site.

    My webpage :: snabblån

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Follow @Noragourmet